علاقة غريبة جدا بين الالم والاحتمال

 يعني في البداية كل ما يزيد الالم يزيد الاحتمال

 وفجأة لما الالم يوصل لاقصاه الاحتمال يقل

 قصدي بيخلص وغالبا بينتهي 

عارفين ليه ؟

لأن عامل الأنانية هنا هو بطل في القصة دي 

أيوة بطل ، 

طرف عمال يضغط لمصلحته ويسبب جروح كتيرة للطرف التاني اللي بيفضل يتحمل ويتحمل ويضحي بأشياء كتير وكل ما الطرف الاناني يضغط ويجرح،  كل ما التاني يتحمل لحد ما خلاص بطارية الاحتمال ترن وتدي انذار:  لقد نفذ رصيد الاحتمال 

لكن لو بدلنا بطل القصة من الاول (الانانية)

 بالحب والإهتمام والامان للطرفين 

هاتلاقي بطارياتهم بتشحن بعض وماتخلصش ابدا 

لانهم بيكملوا بعض.

  بيطبطبوا على بعض في لحظة حزن 

بيقفوا جنب بعض في لحظة انكسار.  

بيواجهوا بعض في لحظة صدق

 مفيش حد بيسرق من التاني أمانه لأ بالعكس الاتنين هايبقوا أمان وثقة لبعض

كده الدنيا بقت تمام والعلاقة بين الالم والاحتمال اصبحت متعادلة ويمكن كمان مايبقاش في ألم لأنه هايتلاشى في الاحتمال، عارفين ليه برضه؟

لاننا غيرنا بطل القصة ببطل تاني اسمه الحب 

حبوا بعض هاتتحملوا بعض