من كلية هندسة لظابط شرطة .. تعرف على مشوار محمد شاكر بعد القبض عليه

التيكتوكر ( محمد شاكر ) الشهير بـ( شاكر محظور دلوقتي )، كانت بدايته في كلية الهندسة، لكنه لم ينجح في المجال الهندسة  فقرر يحول مساره ويلتحق بكلية الشرطة، وهناك تخرج واشتغل ضابط، ووصل لمنصب رائد في محافظة أسوان. لكن بشكل مفاجئ، قرر ينسحب من  الشرطة، والى هذا اليوم  السبب الحقيقي ورا القرار ده ما زال غامض 

و بعدها، دخل شاكر عالم التيك توك، وبدأ يظهر في لايفات مع فتيات، وقدر من خلال أسلوبه وطريقته في الكلام إنه يجذب جمهور واسع من مختلف الأعمار والبلدان العربية، وبدأت شعبيته تكبر بشكل ملحوظ.

و انتقل من المنصورة للعاصمة القاهرة، واشترى فيلا فاخرة داخل “مدينتي”، وكمان سيارة مرسيدس فئة V-Class.

و من اللحظات اللي خلت اسمه يتصدر التريند، مشاركته في مسابقة لايفات شهيرة على تيك توك، واللي قدر خلالها يجمع دعم مالي خرافي تجاوز 14 مليون جنيه في ساعة واحدة بس، بالإضافة لهدايا باهظة زي آيفون ذهبي وساعة مرصعة بالألماس.

و الشهرة اللي حققها شاكر، والثروة اللي جمعها في وقت قياسي، خلت كتير من الشباب يشوفوا فيه نموذج لفكرة “الثراء السريع”، لكن لازم نقول بوضوح: مش كل طريق يوصل، ومش كل تجربة ينفع تتكرر.

لكن النجاح الحقيقي مش مجرد أموال أو تريند، النجاح أساسه تعليمك وفهمك، لأن الشهادات والمعرفة هم السند الحقيقي وقت الأزمات. الشهرة ممكن تيجي بسرعة، لكن من غير وعي، الفلوس ممكن تروح أسرع.