علق الفنان محمد هنيدي على ما يدور من سجال بين أحمد السقا وتامر حسني بسبب أفيش فيلم الفلوس والذي هاجم بسببه

تامر حسني,أحمد السقا,الفلوس,أفيش الفلوس

السبت 5 ديسمبر 2020 - 01:48
رئيس مجلس الإدارة
أحمد التلاوي
رئيس التحرير
إبراهيم موسى

"فضحتونا".. محمد هنيدي يستنكر تصرفات السقا وتامر حسني

محمد هنيدي
محمد هنيدي

علق الفنان محمد هنيدي على ما يدور من سجال بين أحمد السقا وتامر حسني، بسبب أفيش فيلم "الفلوس"، والذي هاجم بسببه كل منهما الآخر خلال اليومين الماضيين، على مواقع التواصل الاجتماعي وشاشات التلفزيون.



وعلق محمد هنيدي على ما نشره أحمد السقا من رسالة اعتذار لتامر حسني منذ قليل، قائلًا:"عايز رقم تامر يا سقا تتكلموا بدل مانتوا فاضحينا على الفضائيات والسوشيال ميديا كدة؟".

 

 

رسالة أحمد السقا لتامر حسني

 وكتب أحمد السقا على حسابه الرسمي بموقع التواصل الاجتماعي، فيسبوك، منشورًا، قال فيه: "رساله إلى صديق عزيز .........صديقى وأخى العزيز تامر حسنى ..أنت عارف اللى بينى وبينك عيش وملح وحاجات كتير....قد أكون أخطأت إنى اتكلمت ف الموضوع ع الهوا ولكن يعلم الله كم كنت مجروحا وكم كنت حزينا.. مش هاطول عليك أكتر من كده ولو أنا زعلت شويه وأنت شويه نبقى خالصين يا عم... تامر حسنى إحنا اللى بينا كتير ماتزعلش يا عم وحقك عليه… وميعادنا الحفلة اللى جايه".

رسالة عتاب تامر حسني لأحمد السقا

وقد عاتب تامر حسني أمس الفنان أحمد السقا، بعد خرج الأخير على الهواء شاكيًا “حسني” بسبب استغلال اسمه في فيلم “الفلوس”، وقال له من خلال خاصية الأستوري على موقع تبادل الصور والفيديوهات، رسالة قال فيها:" حبيبى وأخويا وصديق العمر ونجم الدنيا كلها أحمد السقا، كنت أتمنى أنك تكلمنى بينى وبينك، ولو كنت زعلان من أى حاجة أو فاهم أى حاجة غلط، لأن الحاجات دى لا يمكن تفوتك، وأنا كنت أتمنى مكتبش الكلام دا هنا، بس عشان بعد كلامك فى التلفزيون، الجمهور الكريم بقى ليه حق إنه يفهم الصح".

وأضاف: "أخيرا بقى مستحيل الشركة تروج وأنا أفوت أو أسمح باستخدام اسمك كبطل في الفيلم وأنت مش فيه لأن دا هيعود علينا كلنا بالضرر؛ لأن الناس هتدخل الفيلم مش هيلاقوا الكلام دا فهيبقى إحنا كده بنضحك على الناس وضرينا الفيلم".

واختتم كلامه: "أنت حبيبي يا أحمد وصديق عمر علشان كدا أنا اللي مش هزعل منك معلش طولت في الكلام لأن برضو زعلك يعز عليا".