وجه الكابتن إبراهيم سعيد مدافع المنتخب الوطني السبق رسالة نارية هاجم فيها الكابتن رضا عبد العال المدير الفني

ابراهيم سعيد ورضا عبد العال

الأربعاء 21 أكتوبر 2020 - 01:02
رئيس مجلس الإدارة
أحمد التلاوي
رئيس التحرير
إبراهيم موسى

صلي ركعتين إني ماشوفتكش.. إبراهيم سعيد يوجه رسائل نارية لرضا عبدالعال

وجه الكابتن إبراهيم سعيد مدافع المنتخب الوطني السبق رسالة نارية، هاجم فيها الكابتن رضا عبد العال المدير الفني لفريق طنطا، وذلك بعد توجيه الانتقادات له خلال مباراة الزمالكوطنطا بمسابقة الدوري المصري الممتاز، واصفًا إياه "مسرح مصر".



ونشر إبراهيم سعيد، عبر حسابه الرسمي على موقع التغريدات القصيرة تويتر عدد من الفيديوهات رد فيها على رضا عبد العال، حيث قال: "موضوع الماسك معجبنيش، وقلت معلش إحنا مش فمسرح مصر، وكان الكل مطلعه ترند عشان نشوف الكوميديا، وأنا أتمنيت له التوفيق، وأول واحد ساندته، لأنه هيبقى وجه جديد في الدوري المصري، ومباراة الزمالك معجبنش موقف معين واتكلمت عليه، وجيت في ماتش الأهلي، كل الناس على السوشيال شافوا اني اتكلمت عليك بشكل كويس ومتكلمتش فأي حاجه تانيه".

وأضاف: "فوجئت بإسلام صادق وإبراهيم فايق بيحاولوا يهدوا الأجواء وأنا هادي عليك لأخر لحظة، والناس النهارده بتكلمني وبتهاجمني، وأنا مبجيش بالطريقة دي، وأنا اللي بيني وبينك شغل ومش هطبطب عليك، لما كنت كويس قلت عليك كويس ولما كنت وحش أنا هنتقدك".

وواصل إبراهيم سعيد: "كنت بتتريق عليا ومكنتش بزعل وكنت بتتكلم على الهواء، وتقريبًا عشان أنا سكت فإنت فكرت إني مش هرد لأ، لأ أنا هرد عليك... ومن دلوقتي مفيش كابتني، وأعرف حدودك واللي بتكلم عليه لعب لأكبر الأندية في مصر ولعب في منتخب مصر، اللي أنت ملعبتلوش أساسًا".

وخلال فيديو جديد وجه إبراهيم سعيد رسالة نارية إلى رضا عبد العال جاء فيها: "حظك والمصحف إني ماشوفتكش ومتابعتكش، قوم صلي ركعتين شكر لله، إني ماشوفتكش قبلها".

 

 

 

واختتم إبراهيم سعيد بكتابة تغريده جاء فيها: "عشان بس الناس اللي مش فاهمة الحوار، رضا عبد العال بقاله 3 أيام بيغلط فيا بقلة أدب، مرة مع مداخلة مع إبراهيم فايق، وإمبارح مع محمد فاروق، قبل ما أمل المداخلة غلط فيا وللأسف أنا مكنتش بتابع الحلقة وعملت مداخلة والموضوع انتهى، فوجئت الصبح، كلامه عني بقلة أدب الشخصي، ورديت عليه".