وجه الرئيس عبد الفتاح السيسي رسالة لأهل الشر والمغرضين والدول المعادية قائلا: بفضل الله سبحانه وتعالى.. هنعم

السيسي,رئيس الوزراء,الجامعة اليابانية

الخميس 1 أكتوبر 2020 - 18:50
رئيس مجلس الإدارة
أحمد التلاوي
رئيس التحرير
إبراهيم موسى

السيسي لأهل الشر: هنخلي الدنيا تحتار في اللي بنعمله

الرئيس عبد الفتاح السيسي
الرئيس عبد الفتاح السيسي

وجه الرئيس عبد الفتاح السيسي رسالة لأهل الشر والمغرضين والدول المعادية، قائلا: "بفضل الله سبحانه وتعالى.. هنعمل كل شئ جميل لبلدنا لما الدنيا هتحتار في اللي إحنا بنعمله".



وأضاف خلال افتتاحه مشروعات لوزارتي التعليم العالي والتربية والتعليم بالإسكندرية: "الدنيا هتحتار وهيقولو بيتعمل إزاي.. بيتعمل إزاي.. بيتعمل بالله".

وقال الرئيس السيسي، لأعداء مصر وإعلام الشر قائلًا: "لما تضيعوا 100 مليون هتروحو من ربنا فين؟.. طب بقول الكلام دلوقتي ليه؟.. علشان رهاني كان على المصريين ووعيهم ودعمهم.. قابلتو تحدي في 2013 لضياع الدولة المصرية؟.

وتسائل الرئيس عبدالفتاح السيسي، خلال افتتاح الجامعة المصرية اليابانية بالإسكندرية، وقال “هو أنا ضيعتكم؟ أنا قدمت نفسي فدا مصر، هو الكهرباء لسه بتقطع؟”.

وتابع الرئيس السيسي، قائلًا اللى بيألمني أننا نرى البعض منهم، لما الصورة اتغيرت، بدل ما يمد ايد التعاون لمصر، بيدوروا على هدم مصر، بيجهزوا قنواتهم عشان يهدوا بلد”.

وأضاف: “لما مصر كانت كويسة كنا بنساعد كل الناس بقول للمصريين، هو ده رد الجميل للى اتعمل خلال الـ100 سنة اللى فاتوا، ده رد الجميل أنهم عاوزين يهدونا، بقول للمصريين، إوعوا حد يهد بلدكم ويقول كلام كدب وجهل”.

وتابع: عاوزين تهدوا الدول ليه؟ ابعدوا عننا بشركم، ده فيها ملايين الناس، عاوزينها تتخرب، إحنا بنصلح اللى بقاله سنين متساب”.

السيسي لـ"وزير التعليم": بقى عندنا مناهج معتبرة  

وفي سياق متصل، وجه الرئيس عبد الفتاح السيسي، الشكر، لوزير التربية والتعليم الدكتور طارق شوقي، وفريقه على الجهد المبذول خلال الـ5 سنوات الماضية في بناء مناهج من أفضل مناهج التعليم في العالم، كان حلم بالنسبة لنا نقدر نوصل ويبقى عندنا مناهج معتبرة كل الدنيا والمتخصصن يقدروا هذا الأمر، وبيقولو المناهج اللي اتعملت في مصر تصنف تصنيف عالي وإحنا معملناش علشان نتصنف، إحنا عملنا علشان نعمل جودة لتعليمنا".

وأضاف الرئيس، خلال حفل افتتاحه مشروعات لوزارتي التعليم العالي والتربية والتعليم بالإسكندرية، أنا "بقول الكلام ده للناس علشان تطمن إنه المسار اللي اتحركنا فيه سليم لأنه التشكيك اللي صاحب الاجراءات دي كان كتير، والمرحلة الجاية هنجد تشكيك وده أمر يجب ننتبه ليه كويس، وعاوزة أقول إنه الدولة بذلت جهد كبير جدا في كل الموضوعات اللي طرحت، ولكن عملية إنجاح الجهد هو مشترك بين المواطنين والدولة، وما تم طرحه اليوم إذا لم يكن بثقة من المواطنين إننا عاملين حاجة عظيمة أوي ويحاولو ينجحوها هيبقى أيد واحدة اللي بتصقف".