استغاثت سيدة تدعى إسراء حنفي بوزير التربية والتعليموالتعليم الفني الدكتور طارق شوقي بشأن ابنها..المزيد

طارق شوقي,وزير التعليم,كورونا,استغاثة,خالد توفيق

الإثنين 28 سبتمبر 2020 - 17:29
رئيس مجلس الإدارة
أحمد التلاوي
رئيس التحرير
إبراهيم موسى

سيدة تستغيث بوزير التعليم لضياع درجات ابنها المصاب بكورونا.. والطالب: هنتحر

الطالب توفيق خالد
الطالب توفيق خالد

استغاثت سيدة، تدعى إسراء حنفي، بوزير التربية والتعليم والتعليم الفني، الدكتور طارق شوقي، بشأن ابنها الطالب توفيق خالد، الذي لم يتم  تطبيق قرار وزير التربية والتعليم عليه بحقه في الدرجة الفعلية أثناء الدور الثاني لأنه كان مريضا بفيروس كورونا، قائلة: حق ابني مريض الكرونا لازم يرجع.. ساعدوني في رجوع حق ابني”.



وتابعت ولية الأمر في استغاثتها مؤكدة: “ابني ثانوية عامة وأصيب بالكرونا قبل امتحانه مباشرة ومدخلش العربي والإنجليزي وتم تأجيلهم للدور التاني على أمل ياخد الدرجه كاملة حسب قرار وزير التعليم ابني اخد درجه النجاح فقط زي بتوع الملاحق”.

وأكدت إسراء حنفي،  في شكواها لوزير التربية والتعليم قائلة: علما بأن مجموعه في باقي المواد اللي امتحنها دور اول ٩٦٪؜ يعني طالب متفوق كان بين الحياة والموت ورغم ماتسببه الكرونا من عدم التركيز وعدم الاتزان والتعب البدني والنفسي مجموع ابني ينزل ل٧٩٪؜لييييه بعد نتيجه المادتين المأجلين اللي اخد فيهم درجه النجاح فقط بعد كل الانتظار والتأخير والذل يتظلم كدا”، مختتمة  شكواها بقولها: “حق توفيق لازم يرجع”.

ومن جانبه قال الطالب توفيق خالد، على صفحته الشخصية بفيس بوك قائلًا: “حتة أنك تتذاكر وتتعب طول السنة ورايح جاي من الدروس والضغط النفسي بتاع الثانوية كله من بدايتها لنهايتها، وتيجي قبل الامتحان بأسبوع تتعب ويجيلك فيروس بيهدد العالم كله وموت ناس كتير يجيلك وتتعب وأهل بيتك يتعبوا كلهم، وأنت ذات نفسك تتعب ومع كل نفس بتاخده صدرك يوجعك، والسخونية تزيد كل شوية وتكسير جامد في الجسم، وأبوك يتعب جامد وتشوفوا قدامك مش بيرد عليك والسخونية عالية.. بس الحمد لله عدت على خير”.  

وتابع الطالب قائلًا: “دخلت باقي الامتحانات الحمد لله مع أنها كانت شبه مأثرة عليا في تركيزي وجسمي ونفسيتي.. وتأجل دور تاني بالدرجة الكاملة زي الوزير مقال وتقدم الشهادات المرضي..إلخ”.

وأضاف: “وكل صحابك يخلصوا ويخرجوا وأنت قاعد في البيت شهر كامل بتذاكر وعاصر على نفسك لمونة وضغط بزيادة وتذاكر جامد عشان متقلش درجة.. يجي بقى يوم النتيجة تلاقي نفسك متعامل زي الساقط وواخد درجة النص بس مش الدرجة الكاملة، مضيفًا: “مجموعك 96 اللي المفروض تخادة بعد المادتين تلاقيك جايب 78.8%.. مجهودك وسهرك وتعبك كلو على الارض 💔.. دي كفيلة بجد أنها تخليك تنتحر أصلا”.