وجهت الإعلامية ريهام سعيد رسالة إلى جمهورها و إلى ذاتها بعد الحكم أمس على الاستعراضية سما المصري والتي أعلنت

سما المصري,ريهام سعيد

السبت 19 سبتمبر 2020 - 18:04
رئيس مجلس الإدارة
أحمد التلاوي
رئيس التحرير
إبراهيم موسى

بدون شماتة.. ريهام سعيد تعلق على حبس سما المصري

ريهام سعيد
ريهام سعيد

وجهت الإعلامية ريهام سعيد رسالة إلى جمهورها وإلى ذاتها، بعد الحكم أمس على الاستعراضية سما المصري، والتي أعلنت من خلالها أنها لن تستطيع إصلاح الكون.



وقالت ريهام سعيد من خلال حسابها الرسمي على موقع "انستجرام"، تعليقًا على صورة لها: "للتصحيح هابطل أعمل مشاكل بأني أدخل نفسي في حاجات وأدافع عن ناس وأنا مش طرف باعتقادي إني بقول الحق وفي الآخر ألبس أنا، كلمة الحق بتزعل، مش هاصلح الكون اكتشفت ان ده مش صح اهتم بنفسك ومالكش دعوة بمشاكل غيرك لما بتقع مابتلاقيش جنبك غير ربنا محدش نفعني ولا افتكرني حتي، ضيع وقتك لخدمة الناس البسيطة واستمتع بفرحتهم حب الحياة النعم اكتر بكتير من الهموم".

وأضافت: "أنا آسفه يا ريهام يا سعيد على اللي انا عملته فيكي، وعلى فكرة مشاكل شغلي مش غلطات كلها كماين بس الحمد لله والله انا أسعد إنسانة في الكون لاني اتعلمت الرضا، ألف حمد وشكر".

 

 

أول تعليق لريهام سعيد بعد حبس سما المصري

ونشرت ريهام سعيد عبر صفحتها الرسمية بموقع تبادل الصور، والفيديوهات صورة من خبر حبس الراقصة سما المصري، وعلقت عليها قائلة: "سبحان الله السنة اللي فاتت زي النهاردة استقبلت خبر وقفي من المجلس الأعلى للإعلام بصمة.. لإني معملتش حاجة في حياتي أهم من مساعدة مرضى السمنة.. ونصيحتي كانت من خوفي عليهم لأن أنا مريضة سمنة وأخدت وعد أن كل واحد بيعاني هايتعالج فحتى لو كلامي قاسي يبقى عشان يقبلوا على العلاج اللي تعبت أوي عشان أخليه بالمجان حتى خارج التبرعات".

وتابعت ريهام سعيد: "ناس كتير أوي غلطت فيه وهما مش فاهمين حاجة.. في نفس يوم وقفي من غير شماته ولكن بقناعة أن التوكل على ربنا فقط حتى لو ملكش حد كفاية بعد سنة النهاردة يتفك الوقف والي عايرني إني مش بشتغل اتطرد شر طردة والمجلس الاعلى اتحل وسما أخدت حكم.. واللي كانوا بيعملوا فيديوهات ضدي حالتهم كرب.. واعتذروا في أقل من سنة ولسة كل واحد غلط فيه فاكر إني طنشت هياخد عقابه لأن ده حقي وسمعتي وسمعة أولادي اللي تعبت فيهم أوي وضيعت عمري".

وأضافت ريهام: "رجع الحق علشان ربنا عادل وعظيم وكريم.. واللي عند ربنا ما بيروحش.. بشكرك يا رب.. بشكر المحامي شعبان سعيد اللي في ضهري طوال الوقت.. بشكرزوجي أي حد كلمني أو سأل عليا.. وأنا مش بشتغل ومذيعة ومكسرة الدنيا.. بشكر الناس الأصيلة الجدعة زي الفانز وزي خالد الصواف وياسمين عبد العزيز وحمدي بدر ومحمد رمضان وياسمين عبد العزيز وبدرية طلبة ودينا، ومي كسا، وإيمان العاصي وأصالة وأحمد رزق وعلاء الشربيني وسعد الصغير".