أعلن الفنان شريف منير اعتزاله للسوشيال ميديا بشكل مؤقت مؤكدا أنه تعرض لحملة من الكراهية..المزيد

سوشيال ميديا,شريف منير

الأربعاء 30 سبتمبر 2020 - 21:35
رئيس مجلس الإدارة
أحمد التلاوي
رئيس التحرير
إبراهيم موسى

تعرضت للكراهية.. شريف منير يعتزل السوشيال ميديا

شريف منير
شريف منير

أعلن الفنان شريف منير اعتزاله للسوشيال ميديا، بشكل مؤقت، مؤكدًا أنه تعرض لحملة من الكراهية والبغض خلال الفترة الماضية في حين أنه لم يقم بالإساءة لأي شخص.



ونشر شريف منير على حسابه الرسمي بموقع "إنستجرام"، منشور قال فيه:"قررت أخد راحة من السوشيال ميديا.. أنا كنت بتعامل بقلبى وبطبيعتى اللي الناس عرفاها وعمرى ما جرحت حد بكلامى أبدا.. لكن أنا مؤخرا تعرضت لكم من الكراهية والحقد غير المبرر.. رغم تاريخى فى التعامل مع الناس عمر ما كان فيه التجاوز، لما نزلت صورة كنت بسبق علشان اكتشف نوعية معينة من الناس أنا مش عايزهم عندى، لكن للأسف الموضوع دخل لطريق تانى أنا مش حبه لأن الناس شايفة إن العادى أنا اتشتم وعيلتى يتشتموا لكن مش عادى إنى أرد على الغلط".

وأضاف:" وعلى فكرة أنتو صح مكنش ينفع أنزل لمستوى النقاش ده لأنكم متعودتوش منى على كده.. شكرا لكل جمهورى اللى حبنى بجد وعارفنى كويس.. استراحة شوية بقا".

 

 

شريف منير يتهكم على الجمهور

وكان قد كتب شريف منير، تعليقًا على صورة جمعته بأحمد السقا وأحمد رزق قال فيه: "آدي يا سيدي  الفنانين.. عايشين في الفتّه.. وبيصيفوا.. ولا حاسين بالناس ولا حاسين بحاجة.. وسايبين الناس في الحر والقرف.. حرام عليكم.. حِسّوا بالناس.. حسبي الله ونعم الوكيل فيكم يا فنانين".

وبعد أن قام المتابعين بمهاجمته، علق في كومنت آخر:"كل الناس اللي شتمت أو مُستفزة من كلامي ومش طيقاني.. أنا مبسوط جداً منهم.. لإنهم بيدّوني فرصة عظيمة أنضّف بيها صفحتي من القاذورات والسفالة اللي بيقولوها".

وأضاف: "أنا بتّريق على نفسي.. أنا طبعًا حُر.. بس المقصود إني أفلتر الحاقدين أصحاب النفوس الشريرة.. أما الناس اللي شتمت بألفاظ خارجة.. فمعروف عني .. سكرين شوط ثم بلاغ لمكتب النائب العام وأريح دماغي.. والمباحث يجيبوهم براحتهم ووقت ما ربنا يأذن.. إوعوا تفتكروا إني بزعل أو بتنرفز.. إطلاقًا.. تحياتي للمحترمين (بس).. جمهوري الحبيب المحترم".

انتقاد الجمهور لشريف منير

وقال أحد المتابعين: "مالك ياعم أنت مفكر الناس كلها مركزة معاك أنت مريض ولا أيه"، وعلق آخر: "أيه جر الشكل ده أنا كنت بحبك بس سوري الطريقة دي سخيفة جدا"، وأضاف آخر: "هو حد كلمك أو كلم أي فنان بينزل صورة من الساحل ولا الجونة متصيف ولا متصيفش.. يعنى السقا ولا رزق لو نزلو الصورة هيعلق تعليقك السخيف ده".