علق الفنان محمد أسامهأوس أوس على حالة التهكم والانتقادات التي طالته هو وزوجته بعد ظهورهما في حفل زفاف.. المزيد

أوس أوس,مصطفى بسيط

الإثنين 30 نوفمبر 2020 - 15:19
رئيس مجلس الإدارة
أحمد التلاوي
رئيس التحرير
إبراهيم موسى

بعد ظهورهما في فرح شقيق مصطفى بسيط

أوس أوس: عشت في شقة إيجار.. وزوجتي ادمرت بسببكم

أوس أوس وزوجته
أوس أوس وزوجته

علق الفنان محمد أسامة الشهير بـ أوس أوس، اليوم الإثنين على حالة التهكم والانتقادات التي طالته هو وزوجته بعد ظهورهما في حفل زفاف شقيق مصطفى بسيط، نجم مسرح مصر، على شقيقة مصطفى خاطر أول أمس السبت.



ونشر أوس أوس، على حسابه الرسمي بموقع إنستجرام، صورة تجمعه بزوجته وكتب عليها معلقًا:"أنا مش محتاج أبرر وأحكي أي حاجة عن حياتي والست اللي قلبي اختارها كنت ساعتها في أول موسم لتياترو مصر، كنا نتقاضى مرتبات مش ممكن تفتح بيت".

واستكمل: "وأول ما اتجوزت كنت قاعد في بيت إيجار كمان أنا بس هكتفي بالنقطتين دول علشان أصحاب العقول والنفوس المريضة يعرفوا ويبطلوا نغمة (الفلوس بتعمل أكتر من كده )".

وأضاف: "الفلوس ممكن تشتري سرير بس ما تشتريش النوم! ومش أنا بس دا أغلب المشاهير اللي بتحسدوهم على حياتهم دلوقتي ما تعرفش أبدا من أمتى واتبهدل إزاي ولولا وجود حد جنبه بيسنده ويدعمه ماكنش هيعرف يعدي من أي مشكلة نفسية أو مادية في حياته".

وأوضح: "أنا بقول الكلام ده ولن أسمح بأي تدخل في حياتي الشخصية مرة أخرى سواء بالخير أو بالشر أو دخول اسم مراتي في أي كلمة من كلام المرضى النفسيين.

واختتم: "مراتي اللي أخوها متوفي وابنها متوفي وما صدقت أول مرة أخرجها نروح مناسبة ودمرتوها نفسيا تاني بكلامكم المريض.. حسبي الله ونعم الوكيل فيكم.. حقك عليا يا ست الكل، سكت كتير وكنت بعدي لكن مفيش فايدة.. كل واحد يركز في حياته.. الطموح حلم مشروع عند كل الناس اسعى واتعب وكافح وربنا اللي بيكافئ مش البشر بدل ماتفضل تبُص في حياة الناس".

 

وفاة نجل أوس أوس

وتوفي نجل الفنان أوس أوس، والذي لم يتخط عمره الـ3 أشهر في شهر يونيو الماضي، إثر سقوطه في المنزل، والذي أدى إلى نهاية حياته، وتم تشييع الجثمان بمقابر العائلة، بحضور عدد من الفنانين، على رأسهم الدكتور أشرف زكي نقيب الممثلين، ورئيس أكاديمية الفنون، بالإضافة إلى أبطال مسرح مصر.

آخر أعمال أوس أوس

ويقوم أوس أوس حاليًا بعرض مسرحية صباحية مباركة، بالإشتراك مع علي ربيع وأشرف عبد الباقي وعدد من نجوم مسرح مصر.