طالب الرئيس عبد الفتاح السيسي من المحافظين ومديري الأمن بالتعامل بكل حزم مع مخالفات البناء في جميع محافظات ال

السيسي,اخبار مصر اليوم,اهم اخبار اليوم,اخبار عاجله,اخبار مصر الآن,افتتاح مشروعات بالإسكندرية

السبت 26 سبتمبر 2020 - 10:52
رئيس مجلس الإدارة
أحمد التلاوي
رئيس التحرير
إبراهيم موسى

السيسي عن مخالفات البناء: بشوف التعديات بالطيارة

السيسي
السيسي

طالب الرئيس عبد الفتاح السيسي، المحافظين ومديري الأمن بالتعامل بكل حزم مع مخالفات البناء في جميع محافظات الجمهورية، قائلا خلال افتتاحه لعدد من المشروعات القومية في نطاق محافظة الإسكندرية، اليوم السبت: “بقول للمحافظين ومديري الأمن لو مش قادرين قولوا إحنا مش قادرين والسلام عليكم، وأنا هحترم رغبتكم”.



وأكد الرئيس عبدالفتاح السيسي، استمرار التعديات على الأراضي الزراعية والبناء عليها بالمخالفة للقانون، متابعا: "بقول للسادة المحافظين ومديري الأمن اللي ميقدرش يحقق الأمن قولي يافندم ده موضوع أنا مش قده وسلامو عليكوا وبحترم رغبته". 

السيسي بشوف تعديات البناء بالطيارة

وأوضح الرئيس خلال فعاليات افتتاح عدد من المشروعات القومية بنطاق محافظة الإسكندرية، "الدكتور على (رئيس البرلمان) يقولي هعمل إيه؟.. خلونا ناخد خط ونقف.. والله العظيم وأنا جاي بالطيارة في ناس بتتعدى وبتبني انتوا مش هاممكوا بلدكوا .. ده كلام مش معقول المسؤولين عن الدولة يا إما تكونوا رجال يا إما حاجة تانية مش وقته.. طالما سكت يبقى تنفذ". 

ووجه الرئيس عبدالفتاح السيسي، خطابه للمصريين منفعلا بسبب التعدي على الأراضي الزراعية، قائلا: "ما يحدث خراب لدولة وما حدش يعمل كده".

وأضاف: "أنا مش عارف أعمل إيه.. إيه اللي إحنا فيه ده، عايزين إسكان، هنعمل إسكان وبنعمل إسكان، عملنا مليون وحدة سكنية وممكن نعمل أكتر".

وتابع: "لن أسمح أبداً إننا نهد بلدنا ونضيعها كده.. لو لزم الأمر هخلي الجيش ينزل كل قرى مصر يا نوقف ونبقى دولة مظبوط يا أسيب مكاني وأمشي من هنا لحد تاني ييجي بقى يضيعها أو يخربها".

وأضاف: بتكلم بمنتهى الحزم، لازم تتاخد إجراءات في كل المحافظات، ننزل القرى وأبيد وأشيل كل الكلام ده بالمعدات الهندسية، لو الناس مش عاجبها يبقى نستفتي على إننا نسيب الكلام ده.. أتعذب وأتألم يوميا بسبب هذا الوضع.

ويفتتح الرئيس عبد الفتاح السيسي، اليوم السبت، عددًا من المشروعات القومية بمحافظة الإسكندرية، بحضور الدكتور مصطفى مدبولي، رئيس مجلس الوزراء، وعدد من المسؤولين وكبار رجال الدولة.

وصرح السفير بسام راضي، المتحدث الرسمي باسم رئاسة الجمهورية، بأن الافتتاحات تضم مشروعات بقطاع البترول، وكذلك مشروع بشاير الخير ٢ للإسكان، ومحطة معالجة الصرف الثلاثية ببرج العرب، ومشروع تطوير محور المحمودية.