بطريقة فكاهية وساخرة شاركت الفتيات المسيحيات مثيلتهن المسلمات الاحتفال بحلول عيد الأضحى المبارك حيث أكدن أن ا

عيد الاضحى,عيد الأضحى,المسيحيون,المسلمون,أقباط تحتفل بعيد الأضحى

الجمعة 25 سبتمبر 2020 - 12:42
رئيس مجلس الإدارة
أحمد التلاوي
رئيس التحرير
إبراهيم موسى

"ياماما أقسم بالله إحنا مسيحيين".. القبطيات يحتفلن بالعيد بشكل فكاهي

الاحتفال بعيد الأضحى
الاحتفال بعيد الأضحى

بطريقة فكاهية وساخرة شاركت الفتيات المسيحيات مثيلتهن المسلمات الاحتفال بحلول عيد الأضحى المبارك، حيث أكدن أن الأمر لم يقتصر على المسلمات فقط، مشيرين إلى أنهن يستعدن له بنفس الطقوس، من حيث ترتيب المنزل وتنظيفه، وإعداد الطبق المصري الأشهر بهذه المناسبة "الفتة"، وإحضار التسالي، بجانب الحلويات والفاكهة، ويرصد اليوم الجديد تلك الحالة التي عبرت عنها المسيحيات على مواقع التواصل الاجتماعي "فيس بوك" للاحتفال بعيد الأضحى المبارك.



فمن جانبها أكدت دينا بطرس قائلة: "حضرتك أنا نضفت البيت وعملت فتة وعمالة أعمل في حلويات أنا معملتش كده فعيد القيامة ولا الميلاد مش فاهمة فى أيه".

وأشارت أخرى قائلة" :طب أنتوا بتنضفوا اومال لو فجاءتك وقولتلك إحنا وصلين ف الوحدة الوطنية إلى حد السنة وبنفطر فتة" 

فقالت جنى زكي، ياريتها تيجى على كدة بس بابا دبح جدي النهاردة.

وأكدت أخرى لازم ننضف في عيدهم عشان محدش من المسلمين يقول علينا حاجه"، ببنما قالت أخرى  "أنا كمسيحية تطلعى حباية العيد ليه".

 

 

 

 
 

وتابعت آخرى قائلة: “ياماما أنا مسيحية انضف ليه؟ وماتنضفيش ليه يابت هاا..امال ساعة الأكل عايزين لحمة وفتة ليه هو كان عيدنا".   وبصورة من مسلسل يوميات ونيس، وهو يحمل السجاد لتنظيفه، قالت نانا سمير، ياماما قسما بالله إحنا مسيحين".

وأضافت أحدى الفتيات المسلمات بطريقة ساخرة:"وهي الوحده الوطنيه مبتظهرش غير في التنضيف مبتصموش معانا ليه".

وتابعت أخرى:" فكرتيني بزملتي في الكلية مامتها كانت تقولها يرضيكي الناس كلها ناشرة السجاد وإحنا لأ". 

 

وبصورة كوميك لكريم عبد العزيز مكتوب عليها "للدرجادي قلبي مات" قالت فتاة مسلمة أخرى:"لما اشوف كومنتات المسيحين اللي نضفو للعيد وانا منضفتش ولا استحميت".

وأضافت أخرى "عندنا عمارة كلها مسيحيين ورابطين جموسه والله علشان يضحوا بيها معانا وعلى فكرة كل سنه كدة" .