عبر الفنان رامي جمال عن استيائه الشديد من ما تعرض له صديقه لاعب وسط النادي الأهلي عمرو السولية.. المزيد

الأهلي,رامي جمال,التنمر,التحرش,عمرو السولية,ابنة عمرو السولية,لاعب الاهلي عمرو السولية,بنت عمرو السولية

الخميس 13 أغسطس 2020 - 16:56
رئيس مجلس الإدارة
أحمد التلاوي
رئيس التحرير
إبراهيم موسى

بعد التحرش بابنته.. رامي جمال يدعم عمرو السولية

رامي جمال
رامي جمال

أعبر الفنان رامي جمال عن استيائه الشديد مما تعرض له صديقه لاعب وسط النادي الأهلي عمرو السولية، من تنمر وتعليقات مسيئة ضد ابنته الصغيرة والتي لم يتجاوز عمرها الـ 3 سنوات، مؤكدًا على تضامنه الكلي معه ومع قضيته ضد هؤلاء الأشخاص، مشيرًا إلى أن هناك بعض الأشخاص يحتمون وراء الأجهزة الإلكترونية ولكنهم في الحقيقة جبناء جدًا.



ونشر رامي، عبر صفحته الشخصية بموقع التدوينات القصيرة تويتر، تغريدة ردًا على الأحداث التي تعرض لها عمرو السولية، كاتبًا: "بص حبيبى.. أنا شايف إنك تحبس اللى كتبوا كده، ده أبسط حقوقك ويبقى درس مهم للى أهله معرفوش يربوه يربيه القانون، لأن في ناس الكيبورد مقوي قلبها، ولما هيتجاب هتشوف قطة.. اسألنى أنا، وأنا هقولك تروح فين ينجزك”.

عمرو السولية يرد على المسيئين لابنته الصغيرة

ومن جانبه، رد عمرو السولية لاعب النادي الأهلي، على تعليقات عدد من متابعيه بموقع تبادل الصور والفيديوهات إنستجرام، ممن تنمروا وأساءوا لابنته الصغرى، والذين زعموا أن ملابس ابنته ليلي الصغيرة غير محترمة، وكتب: "ليلى بنتي عندها 3 سنين ونص لسه قالعة البامبرز من كام شهر الكلام ده بيتقال على طفلة!! أيه اللي يخلي بني آدم خنزير ممكن يبص على لبس طفلة ويركز غير أنه فعلاً خنزير؟! أيه المرض ده”.

وأضاف السولية في تدوينته: "دول اللي لما بيكبروا بيكونوا مغتصبين ومتحرشين واللي بنخاف على بناتنا وأهلنا ينزلوا الشارع عشان ميتعرضوش لأذاهم، أتمنى الشيوخ اللي بيبرروا للتحرش ولبس البنت يكونوا مبسوطين دلوقتى وهما شايفين اللي بيحصل".

وتابع: "قررت أتقدم ببلاغات لأصحاب الكومنتات دى عشان اللي زى دول مينفعش يكبروا وسطنا قررت أحمى بناتي اللي لسه مشافوش الدنيا وللأسف خايف عليهم يشوفوا كمية القرف والاشمئزاز ده”.

واختتم السولية حديثه قائلًا: "الناس اللي زعلت من كلمة شيوخ مش مقصود بيها الشيوخ المحترمين و الشيوخ السوية.. الكلام عن الناس اللي بررت التحرش بأنه بسبب لبس البنت ومفاتنها، ممكن أعرف أيه المفاتن في طفلة مكملتش 4 سنين ولبسها ممكن يكون سبب في اللي انتوا شايفينه ده؟”.