نشر عمرو السولية نجم الفريق الأول لكرة القدم بنادي الأهلي صورا لمعلقين على إحدى صوره مع ابنته

الأهلي,الدوري المصري,التحرش,عمرو السولية,ابنة عمرو السولية

الخميس 13 أغسطس 2020 - 11:02
رئيس مجلس الإدارة
أحمد التلاوي
رئيس التحرير
إبراهيم موسى

عمرها 3 سنوات

عمرو السولية يفضح "المتحرشين" بابنته: لسه قالعة البامبرز

السولية وابنته
السولية وابنته

نشر عمرو السولية نجم الفريق الأول لكرة القدم بنادي الأهلي، صورًا لمعلقين على إحدى صوره مع ابنته، والذي وصفهم بـ"خنازير"، بعدما قاموا بتعليقات غير لائقة على الصور، والتي نشرها أمس الجمعة، وقرر تقديم بلاغات ضد كل من قام بتعليق غير لائق.



ونشر عمرو السولية عبر حسابه الرسمي على موقع تداول الصور والفيديوهات الشهير "إنستجرام"، صورًا لبعض التعليقات التي جاءت مسيئة لابنته.

السولية يعلق على التحرش بابنته لفظيًا

وعلق السولية على الصور: " ليلى بنتي عندها ٣ سنين و نص لسة قالعة البامبرز من كام شهر".

وتابع نجم الأهلي: "الكلام ده بيتقال على طفلة !! ايه اللي يخلي، بني ادم خنزير ممكن يبص على لبس طفلة و يركز غير انه فعلاً خنزير ؟! ايه المرض ده".

السولية: الشيوخ اللي بيبرروا أتمنى يكونوا مبسوطين

وواصل السولية: "دول اللي لما بيكبروا بيكونوا مغتصبين و متحرشين و اللي بنخاف على بناتنا و اهلنا ينزلوا الشارع عشان ميتعرضوش لأذاهم ".

وطالب السولية من الشيوخ التي تبرر التحرش معلقًا :"لبس البنت يكونوا مبسوطين دلوقتي وهما شايفين اللي بيحصل".

وقرر عمرو السولية، تقديم بلاغات لأصحاب التعليقات، قائلًا: "قررت أقدم بلاغات لأصحاب الكومنتات اللي، زي دول مينفعش يكبروا وسطنا، قررت أحمي بناتي اللي لسه مشافش الدنيا و للاسف خايف عليهم يشوفوا كمية القرف و الاشمئزاز ده".

وأضافت السولية: "الناس اللي زعلت من كلمة شيوخ مش مقصود بيها الشيوخ المحترمين و الشيوخ السوية".

واختتم حديثه: "الكلام عن الناس اللي بررت التحرش بانه بسبب لبس البنت و مفاتنها ، ممكن اعرف ايه المفاتن في طفلة مكملتش ٤ سنين و لبسها ممكن يكون سبب في اللي انتوا شايفينه ده؟".

ولقى رد فعل عمرو السولية، إشادة كبيرة من الجماهير على مواقعا التواصل الاجتماعي، وكذلك المشاهير، أمثال شادي عيسى، وهاني حتحوت.