حرص المطرب عمر كمال على مشاركة جمهوره أحد المواقف التي جمعته بالفنان تامر حسني الذي وقف ببجانبه في بداية مسير

اليوم الجديد - اخبار مصر - اخبار اليوم - اخبار السعودية - اهم اخبار اليوم

الخميس 6 أغسطس 2020 - 11:23
رئيس مجلس الإدارة
أحمد التلاوي
رئيس التحرير
إبراهيم موسى

عمر كمال يكشف كواليس موقف جمعه بتامر حسني

عمركمال وتامر حسني
عمركمال وتامر حسني

حرص المطرب عمر كمال على مشاركة جمهوره أحد المواقف التي جمعته بالفنان تامر حسني، الذي وقف ببجانبه في بداية مسيرته بعد تعرضه لأزمة من قبل منظمي إحدى الحفلات بإحدى القرى السياحية، معبرًا عن حبه الكبير له وافتخاره به لمواقفه المؤثرة في حياته.



ونشر عمر كمال عبر صفحته الشخصية بموقع التواصل الاجتماعي "فيسبوك" مجموعة من الصور له برفقة تامر حسني، معلقًا عليها قائلًا: "من حوالى ٤ سنين كان عندى حفلة ف العين السخنة ف قرية سياحية كان ف نفس اليوم الفنان تامر حسني عامل حفلة فيها.. والقرية بلغتني إن فقرتي قبل تامر وهطلع أعمل الفقرة على نفس المسرح.. قولتلهم استحالة ده يحصل لان المنظم مش هيرضي عشان انا مش نجم ومش معروف ومحدش هيرضي يديني الفرصة ديه .. قالو لي احنا اصحاب الحفلة والقرار.. قولت لهم يعنى اعمل دعاية وانا مطمئن قالولي اعمل وانا من جويا متأكد وعارف ان محدش هيطلعنى ع المسرح ده".

وأضاف عمر: "عملت دعاية وناس كتير من بلدي السويس قطعت تكت علشاني وطلعت كام ميكروباص صحابي عشان يشجعوني وعملت كل اللي اقدر عليه .. روحت يوم الحفلة لقيت الحفلة الساعة ٤ العصر على حمام السباحة ومفيش ولا مخلوق اصلا والدنيا حر جدا وحفلة تامر الساعة ١١ بليل ف مكان تاني خالص من القرية".

وتابع: "مغنتش من كتر ما كان مفيش ولا فرد الناس كلها نايمه لاما محدش جه عشان لسه بدرى ع حفلة تامر .. بقى شكلي وحش جدا قدام الناس هطلع كداب وعملت دعاية بالكذب وانا مليش ذنب .. كلمت طوب الارض عشان اوصل لتامر وقتها معرفتش محدش خدمني ومحدش رضى يساعدني .. كنت انا وصحبى اسمه محمد سمير كان مؤمن بيا جدا".

واستطرد "كمال" في منشوره: "روحت مكان حفلة تامر قعدت تحت المسرح من الساعة ٤ لحد الساعة ١١ قسما بالله حوالى ٦ او ٧ ساعات عشان اضمن ابقى جمب المسرح لانى لو روحت بليل محدش هيرضى يدخلنى وانا قسما بالله ما معايا حتى حق دخول الحفلة وكان قابض من القرية ٦٠٠ ج !! قعدت تحت المسرح بحيث اقدر اكلم اي حد واطلعله اغني معاه حتى عشان منظري قدام الناس يبقى حلو .. ٧ ساعات لحد ما النهار راح والليل جه و الحفلة اشتغلت وطلعت طبعا .. كان جمب المسرح جاردات ومنظمين و كله ملخوم ف الحفلة وتامر .. كلمت منظم الحفلة مرضيش يطلعني وقالي استني للأخر .. كلمت اصحاب الحفلة محدش طلعني .. اتصلت بكل فنان ممكن يكون يعرف تامر محدش ساعدني .. شكلي كان يبقى وحش جدا قدام الناس انى مغنتش وابن بلدهم محدش حتى شافه عدى من قدام المسرح".

ربما تحتوي الصورة على: ‏‏‏٢‏ شخصان‏، ‏‏لقطة قريبة‏‏‏

وأنهى عمر كمال منشوره عن موقفه مع تامر حسني قائلًا: "كلمت شخص محترم جدا اسمه حازم شغال مع تامر حسني وحكيتله .. الراجل راح قال تامر .. راح قاله هاتهولي بسرعة .. وجبر بخاطري وقدمني للناس وغنيت جمبه وتصورت .. وروحت رفعت الصور انى كنت ف الحفلة وغنيت .. يمكن هو مش فاكر الموقف ده حتى بس انا فاكر هوله ان كان انسان قبل ما يكون فنان وروحت طاير من الفرحة ونمت في بيتي مبسوط وليه موقف تاني هحكيه في وقت تاني".

ربما تحتوي الصورة على: ‏‏شخص واحد‏، ‏‏‏‏على المسرح‏، ‏وقوف‏‏ و‏حفلة موسيقية‏‏‏‏