أثار الإعلامي أسامة منير حالة من الجدل على مواقع التواصل الاجتماعي بعد كتابته منشورا عبر صفحته.. المزيد

كورونا,فيروس كورونا,اسامه منير,اسامة منير,دليفري,ماكدونالز,عمال الدليفري

الخميس 3 ديسمبر 2020 - 09:23
رئيس مجلس الإدارة
أحمد التلاوي
رئيس التحرير
إبراهيم موسى

بعد تشهيره بعامل دليفري..

أسامة منير يتعرض لهجوم شديد من متابعيه

أسامة منير
أسامة منير

أثار الإعلامي أسامة منير حالة من الجدل على مواقع التواصل الاجتماعي بعد كتابته منشورًا عبر صفحته الشخصية بموقع التواصل الاجتماعي فيس بوك، يعبر فيه عن استيائه من عامل دليفري؛ لعدم التزامه بالإجراءات الوقائية، وعدم ارتدائه الكمامة أو استخدامه لقفازات للإمساك بالطعام والمشروبات، ليتهمه رواد مواقع التواصل الاجتماعي بالتشهير وتسببه في طرد عامل الدليفري من عمله.



بداية أزمة أسامة منير مع عامل الدليفري

ونشر أسامة منير، عبر صفحته الشخصية بموقع التواصل الاجتماعي فيس بوك، صورة للوجو ماكدونالز، وعلق عليها قائلًا: "الناس بقت في منتهى الاستهتار والغباء.. الراجل بتاع الدليفيري جالي و الكمامة تحت مناخيرة وبيطلع المشاريب بإيديه من غير جوانتي وبقوله ينفع كدة بيقولي معلش أنا لسة غاسل إيدي".

 

وأضاف: "ناس حقيقي بلا وعي و لا إحساس بالمسؤولية ولما كلمته قالي أنا آسف، قولت له آسف دي هاتفيدني بإيه لما واحد من ولادي يجيلهم عدوى، حقيقي مافيش فايدة، وفي الآخر نقول وعي المواطن".

الناس بقت في منتهي الاستهتار و الغباء الراجل بتاع الدليفيري جالي و الكمامة تحت منخيرة و بيطلع المشاريب باديه من غير...

تم النشر بواسطة ‏‎Osama Mounir‎‏ في الجمعة، ١٩ يونيو ٢٠٢٠

غضب متابعي أسامة منير بسبب عامل الدليفري

وعبر متابعي أسامة منير عن غضبهم الشديد من تشهيره بعامل الدليفري، وتسببه في طرده من عمله، فكتب أحد متابعيه: "أنت بالبوست ده أولًا الشركة هتتصل بيك تعتذرلك، ثانيًا هتفصل الراجل الغلبان ده من شغله علشان ممكن يبقا زينا نفسه بيتكتم من الكمامة، ثالثًا هو اعتذرلك، وكسرت خاطره واعتذارلك وبرضو شبه شهرت بيه".

وأضاف: "ما ممكن يجيلك متقفل وعلى سنجة عشرة قدامك ومن وراك كان ماسك كيسة الأكل بإيده في المطعم، واحده واحده على الناس دي الناس دي فيها اللي مكفيها يا أسامة وكل اللي بيتمنوه من الدنيا الـ ٥ جنيه الزيادة في أوردر تقوله خدها ليك".

وكتب شخص آخر: "أنت عارف الدليفري ده لو مشي من الشغل بسببك، هتتحاسب قدام ربنا عليه، بدل ما تشوف الناس ده عايشه ازاي وتحاول تساعدهم على المعيشة الصعبة دي، تتسبب في قطع عيشه، انتو عايشن في وادي والناس دول عايشن في وادي تاني خالص".