قدمت أسما شريف منير عدد من النصائح لمتابعيها لاقتناء الكتب وكيفية تربية أبنائهم.. المزيد

الطلاق,شريف منير,أسما شريف منير,اسما شريف منير

الإثنين 30 نوفمبر 2020 - 22:59
رئيس مجلس الإدارة
أحمد التلاوي
رئيس التحرير
إبراهيم موسى

مقدمة نصائح لمتابعيها

أسما شريف منير: القرآن الكريم أول كتاب قريته

أسما شريف منير
أسما شريف منير

قدمت أسما شريف منير عدد من النصائح لمتابعيها، لاقتناء الكتب وكيفية تربية أبنائهم على القراءة، ونشرت أسما شريف منير صورة لها وهي تقرأ إلى جوار كلبها، وكتبت عليها: “من زمان وأنا عندي ١٥سنة كدة كنت بحب الكتب جدا ملمسها وريحتها وقيمتها، وفاكرة إني كنت بحب الأجانب هما بيقروا على البحر أو في المترو أو في مطعم، كنت ببقي عايزة أعمل كدة بس عشان كان عندي عدم صبر وبزهق بسرعة فمكنتش بكمل ودايما بأقول بعدين، بكرة إن شاء الله بس ولا بعمل حاجة".

وأضافت: "لكن فضلت اقتني كتب على أمل إن في يوم اتعلم الصبر وابتدي فعلا اقرأ، كل أصحابي كانوا بيتريقوا عليا وبيقولولي بطلي تشتري كتب وخلاص فلوس على الفاضي، بس أنا فضلت برضه اشتري لأني كنت متأكدة أني هقراهم وكنت مقتنعة أني لازم يكون عندي مكتبة محترمة فيها كل اختياراتي في مراحل حياتي عشان أقدر أديه لـ لارا بنتي، وهي تكمل عليه اختياراتها ويفضل في عيلتنا من جيل لجيل".

وتابعت: "أهلي يمكن مركزوش أوي في موضوع القراية ده مع أن أبويا طول عمره بيقرأ مش عارفة ليه؟ المهم، لما دخلت في العشرينات صبري بقي أحسن وكملت أول كتاب وهو (القرآن الكريم) كنت أحب أن ده يكون أول كتاب أخلصه، ومن سعتها قرأت كتير ولما دخلت الثلاثينات بقيت أحسن وأحسن".

 

 

 

واستطردت: "المفاجأة إني حققت حلم من أحلامي وكتبت أول كتاب لي رغم ضعف مستوايا في اللغة العربية وعشان كده كتبته باللغة العامية زي ما بتكلم عشان هو كان بيتكلم عن الطلاق فكنت عايزة كل ست بتقراه تحس كأني بتكلم معاها، صحبتها وحسه بيها".

وقالت: "أخيرًا لما بشوف مكتبتي بفرح بيها ولإني اقتنيت كتب كتير وبقى كمان فيها أول كتاب أنا كتبته لحظة أنا ممتنلها وبشكر ربنا عليها..  ‎الأهم إني اهتميت بأن لارا تقرأ، والحمد لله لازم تقرأ كل يوم وبقت عايزه تقرأ كتب أكبر، والكُتب اللي في سنها بقيت شايفها أنها كُتب بتاعت أطفال بتقولي مامي أنا عاوزه اقرأ ‏(fat book) ‎ يعني كتاب كلبوز".