حقيقي ليه الناس بالوحشية دي مكنتش ناوية أتكلم عن موضوع سارة حجازي لأنه لا يعنيني في شئ لكنه أثبت بشاعة العال

الانتحار,سارة حجازي,المثلية,الإلحاد

السبت 26 سبتمبر 2020 - 10:49
رئيس مجلس الإدارة
أحمد التلاوي
رئيس التحرير
إبراهيم موسى
لماذا العالم بهذا القبح؟

لماذا العالم بهذا القبح؟

حقيقي ليه الناس بالوحشية دي؟ مكنتش ناوية أتكلم عن موضوع سارة حجازي لأنه لا يعنيني في شئ، لكنه أثبت بشاعة العالم الذي نعيش فيه.

ياسيدي هي ما هي عليه، بس هو حقيقي أنت بتحارب عشان محدش يقول ربنا يرحمها؟، يمكن زعلانين، يمكن بنتوسل لربنا يرحمها، يمكن مش عايزين نفس تدخل النار.. لكن أنت هتستفيد أيه هتستمتع بأيه لما تقول لا ولازم تتعذب في نار جهنم؟ هل لو متعذيتش هتاخد مكانك في الجنة؟

النفوس محدش يعرفها غير ربنا، يمكن تابت قبل موتها بثواني وربنا استجاب لها، يمكن كان عندها خلل معين في موضوع الإلحاد ومحدش يعرفه غير رب الكون ويرحمها ويغفرلها ويمكن ميتغفرلهاش!!

محدش عارف محدش يقدر يجزم أوعى تراهن علي شطارتك؟ أنت محظوظ بس عشان اتولدت في المكان الصح والظروف الصح؟

لو كنت ف بيئتها ؟ لو اتعرضت للي هي اتعرضت له؟ لو اتولدت في حياتها؟ الله أعلم كنت هتبقي أيه؟

ربنا وحده عنده المقياس واعتقد إن كتير هينبهرو ف الأخرة من اللي هيشوفوه بس أسوأ الناس على الإطلاق فعلا اللي بيحولو الأرض لجحيم من قبل ما نروح الجحيم بأي طريقه حتي لو بشئ تافه.

إنما وجود ناس بس شغلها الشاغل هو إنها تقاتل من أجل أنها متترحمش فهذا هو القبح بذاته،  طيب إزاي؟ وليه؟ بعيد عن الدين، بعيد عن أي حاجة؟ فين إنسانيتك؟ وقادر تتقبل فكرة حد هيتعذب إزاي؟  

أنت بتحرم نفسك من المعاصي عشان تكسب حاجة مش عشان تمنع غيرك من أنه يكسبها وتقول فين العدل؟ العدل أننا نتساوى فى الآخر ونترحم!.. أنت مين عشان تقرر؟

 

 كل يوم اكتشف قبح هذا العالم؟ العالم الل زعلان من حد ميوله مختلفه عنه! طيب بالنسبة للي بيأذو غيرهم؟ اللي بيحولوا حياتهم لجحيم؟ اللي بيأذو نفسيات الناس دول هل من حقهم ربنا يرحمهم؟  أه من حقهم الرحمة لأن أي دين أساسه هو الإنسانية ... ولو حد فينا عنده ذرة إنسانية هيتمني إن كل البشر يتغفرلها لأن  ببساطة كلنا للأن كلنا خطائين!

إحنا مش آلهة فبلاش نعيش الدور ده!  

كلامي مش معناه أبدا دفاع عنها لكن احتقار لعدم الانسانية والتلذذ بعذاب حد لمجرد إنك شايف إنك أحسن منه، إحنا أصغر وأتفه من إننا نفهم حكمه ربنا، ربنا أحكم  وغفور،  ومعتقدش خلقنا عشان يرمينا في جهنم!!

كل واحد له اختباره ممكن تبقي زي الفل في كل حاجة من وجة نظر الكل ولكن فشلت في اختبارك اللي محدش يعرفه غير ربنا.. أتمني الناس تراجع نفسها وكل واحد يخليه فعلا في حياته...أنتو متخيلين إننا محتاجين نغلط عشان نروح الجحيم؟؟ إحنا أصلا عايشين في الجحيم وكلنا معذبين بعض!