هاجم تركي آل الشيخ رئيس هيئة الترفيه بالسعودية ومالك نادي ألميريا الإسباني للمرة الثالثة إدارة النادي الأهل

الأهلي,حسام عاشور,فيس بوك,تركي آل الشيخ,الرياضة

الثلاثاء 20 أكتوبر 2020 - 22:41
رئيس مجلس الإدارة
أحمد التلاوي
رئيس التحرير
إبراهيم موسى

للمرة الثالثة.. آل الشيخ يهاجم الأهلي: الظلم ظلمات

هاجم تركي آل الشيخ، رئيس هيئة الترفيه بالسعودية ومالك نادي ألميريا الإسباني، للمرة الثالثة، إدارة النادي الأهلي، في ظل الأزمة القائمة بينه وبين محمد سراج الدين، عضو مجلس الإدارة بالأهلي.



وقال تركي عبر حسابه الرسمي على موقع التواصل الإجتماعي "فيس بوك": "يا سبحان الله، حسام عاشور وعبدالله السعيد وأحمد فتحي وعماد متعب ومؤمن زكريا كلهم الي غلط وأنتو الصح".

وأكمل: الظلم ظلمات يوم القيامة، عاشور لوحده بطولاته وتاريخه كفاية، الوفاء والإحترام والخوف على أكل عيش الناس، وعلاج الناس من غير مصالح بقى في الزمن ده شوو، عجبي.

 

 

بداية الأزمة بين سراج الدين وتركي آل الشيخ

الأزمة بين الطرفين بدأت أمس الجمعة، بعد منشور لـ محمد سراج الدين، الذي قال فيه: "بعيد عن الكورونا ربنا يحفظنا ويسلمنا منها جميعًا في فيروس عجوز موجود من زمان في قطاع الرياضة في مصر".

وأضاف: "وفي فيروس تاني عيل لسه مستجد من الخارج الفيروسات دي بتنشر فتن وقرف ومشاكل طول الوقت في الرياضة وبين الناس وبين بعض وبين أكبر جمهورين في مصر، أنا واحد مرضاش بإحداث اي نوع من أنواع الفتنة بينهم بأي شكل من الأشكال احنا في النهاية ولاد بلد واحدة، نختلف اه نهزر مع بعض اه لكن تطاول وأذى ده منبوذ ومرفوض بالنسبالي من الجانبيين".

تابع عضو الأهلي: "المشكلة ان الفيروسات دي مختلفة عن الكورونا في حاجة وهي أن لها علاج بس العلاج لازم يجي من الدولة ويكون جذري الدولة اللي انا بحترمها وبقدرها عشان محدش يزايد عليا انا ابن مؤتمر الشباب ودايماً بكون فخور بده وظهوري الأول هناك في 2016".

واختتم: وعرضي لأفكاري كان دفعة ونقلة ليا في أمور تانية كتير مؤتمر شباب مصر اللي كله طموح وتفاؤل وفكر ونقاء مش أجواء عشوائية وفتن وبلطجة تعوق الواحد عن أهدافه وطموحه الحقيقي لرفعة بلده وناديه المفضل اتمني يكون في مستمع لأن فاض الكيل، اللهم بلغت اللهم فاشهد.

 

تركي آل الشيخ يصف سراج الدين بـ”الهلفوت”

ووصف تركي آل الشيخ  محمد سراج الدين بـ “الهلفوت" وذلك عبر منشور، عبر حسابه الرسمي على موقع التواصل الاجتماعي "فيس بوك".

وكتب تركي آل الشيخ: "هوا مين الهلفوت ده محمد سراج الدين؟ ايه موقعك من الأعراب بس قبل مرد عليك يا هلفوت؟".

محمد سراج الدين ينفجر على تركي آل الشيخ

ورد محمد سراج الدين عبر حسابه على موقع التواصل الاجتماعي "فيس بوك"، قائلًا: "هو أنا متربي وهادي الحمد لله ودي نعمة ربتني عليها والدتي الأستاذة الجامعية ووالدي وهو لواء مدفعية سابق في الجيش المصري".

وأضاف: "بس افتكر أنه كان علمني كمان أن الكرامة دي أعلى وأهم صفات الإنسان وإن عمري ما أقبل أي تجاوز في حقي".

وأضاف عضو مجلس إدارة النادي الأهلي: "أنا بشفق عليك حقيقي لأنك ملقتش حد يربيك تربية سوية أو يعلمك أن مش كل حاجة المظاهر والشو والهبل اللي بتعمله ده اللي خلاك مسخة أمام العالم كله".

واختتتم سراج الدين حديثه: "في قيم ومعاني واصول أهم وأسمى من كده بكتير بس انت معذور متعرفهاش بحمد ربنا أني اتربيت كده، وأنا مش بشوفك يا تركي آل شيخ، من أول يوم غير واحد ناقص وجاهل وهفضل أشوفك كده على طول، وعلى فكرة أنت مش كاسر عيني وأنت عارف كده كويس ولا عمرك هتقدر في أحلامك حتى تكسرها ولا أنت ولا أتخن تخين".