حالة من الغضب أصابت بعض الفنانين ولاعبي كرة القدم على موقع التدوينات القصيرة تويتر وتبادل الصور والفيديوهات

رامي جمال,انغام,احمد الشيخ,التنمر,النادي الاهلي,عمرو السولية,الفنان رامي جمال,تنمر,ناريمان زوجة رامي جمال,ناريمان,التنمر على رامي جمال,البوم رامي جمال الجديد,اول البوم لزوجة رامي جمال

الأحد 25 أكتوبر 2020 - 00:46
رئيس مجلس الإدارة
أحمد التلاوي
رئيس التحرير
إبراهيم موسى

غضب من نجوم الفن والكرة بسبب التنمر على رامي جمال

رامي جمال
رامي جمال

حالة من الغضب أصابت بعض الفنانين ولاعبي كرة القدم على موقع التدوينات القصيرة "تويتر"، وتبادل الصور والفيديوهات “إنستجرام”، بعد التنمر على الفنان رامي جمال من قبل بعض متابعيه، بعدما أعلن عن استعداده للتجهيز لألبومه الجديد، وألبوم آخر لزوجته ناريمان.



بداية الأزمة

بدأ الأمر بنشر الفنان رامي جمال تدوينة عبر صفحته الشخصية بموقع التدوينات القصيرة "تويتر" كتب فيها: "بما إني كده كده محظور.. قررت أبدأ في اختيار أغاني جديدة لألبومي القادم بما إني باخد سنة أو أكتر في التحضير".

وأضاف: "ثانيًا بقى وده الأهم قررت أعمل ألبوم لناريمان في أنواع مختلفة من الأغاني بجد.. الجميل إنها متعرفش أني قررت أعمل كده والأجمل أنها هتعرف من هنا.. ويارب نفرح كلنا بفرج ربنا".

 

 

اشتعال الأزمة

واشتعلت الأزمة بتنمر أحد متابعي رامي جمال عليه في خاصية التعليقات كاتبًا: "روح اتعالج يا رامي من البهاق، ألبوم إيه أنت مش بتحقق لا مشاهدات ولا إيرادات، وفر فلوسك للعلاج"، ليعبر بعدها رامي عن غضبه ردًا عليه قائلًا: "النوع ده من البشر بقى منتشر أوي".

وأضاف عبر صفحته بموقع تبادل الصور والفيديوهات "إنستجرام" قائلًا: "شفت عند صديق ليا لاعب كرة قدم شبه العينة دي عاوز أقولكم انتوا ولسانكم أصعب فيروس.. محدش هايعيش للأبد.. ولينا رب نختصم بعض عنده، يا رب تكونوا مبسوطين".

 

 

مساندة الفنانين لرامي جمال

بدأن الأمر بالفنان والمذيع خالد عليش الذي كتب: "ياااااااه بقابل من دول كتير.. يا باشا بلوك على طول ولا كأنك قريت حاجة".

 

 

وكتبت أنغام: "ربنا يخلصنا من الأشكال دي ناس بتكره نفسها وبتكره الحياة".

 

 

وعقب المطرب أدهم سليمان: "الفنان الكبير والنجم والمطرب صاحب القبول والصوت العذب والملحن العبقري وابن بلدي اللي اتعلمت منه أن الحلم والطموح مالوش بلد أو مساحة رامي جمال..  أنت كبير بأخلاقك قبل فنك وللأسف في ناس هاتفضل يالسوء ده ومش هاتتغير وفي ناس زيك هاتفضل أخلاق ونجوم وقدوه وبإذن الله برضه مش هاتتغير.. أنت أكبر بكتير من أن كلام حد بالأخلاق دي يضايقك".

 

 

وكتبت الفنانة إيمان العاصي: "الحقير القذر دا أقل من أنك تعمله پوست.. دا أنا بنتي العيلة الصغيرة مش سايبنها في حالها.. بجد دا حاجة كدا زي تربية زبالة الشارع"، والفنان والإعلامي شريف مدكور كتب: "حسبنا الله و نعم الوكيل".

ومن جانبها عقبت الفنانة أروى جودة قائلة: "إعملها بلوك فورًا دي ناس مقرفة".

 
 
 
 
 
 

لاعبو كرة القدم يغضبون لرامي

وعلق لاعب النادي الأهلي عمرو السولية: "يا حبيبى زي مقولتلك قبل كده دول ناس أهم حاجة عندهم أنهم يتشهروا على حساب أى حاجة وناس ملهاش قيمة وأنت عارف الناس بتحبك قد أيه علشان أنت بجد من أكتر الناس المحترمة اللي الواحد قابلها في الزمن ده متبصش أصلاً وارمي ورا ضهرك".

 

 

وكتب أحمد الشيخ: "أنت كده عملت ليه قيمة وعلى قد ما في ناس كتير كده لكن في ناس كتير جدًا محترمة وكلامهم إيجابي حتى لو فيه نقد لأن ده الطبيعي وهي دي ضريبة النجومية.. لكن الفرق بينهم كبير تربية وتعليم ازاى تحترم نفسك أولا قبل ما تحترم الناس.. حبيبي خد الحجات دي تشجيع ليك وربنا يهدينا جميعًا".