أعرب الفنان رامز أمير عن بالغ سعادته بالنجاح الكبير الذي حققه من خلال مشاركته في مسلسل الاختيار بالسباق الرم

سيناء,رامز امير,الفنان رامز امير,هشام عشماوي,الاختيار,مسلسل الاختيار,محمد السباعي,احمد المنسي,معركة البرث,رامز أمير,البطل محمد السباعي

الخميس 22 أكتوبر 2020 - 05:33
رئيس مجلس الإدارة
أحمد التلاوي
رئيس التحرير
إبراهيم موسى

بعد نجاحه في الاختيار.. رامز أمير: "كرم من ربنا"

رامز أمير
رامز أمير

أعرب الفنان رامز أمير عن سعادته بالنجاح الكبير، الذي حققه من خلال مشاركته في مسلسل "الاختيار" بالسباق الرمضاني المنقضي 2020، عن طريق تجسيده لشخصية البطل محمد طلعت السباعي، أحد الضباط المصابين في معركة كمين البرث.



ونشر رامز أمير عبر صفحته الشخصية بموقع تبادل الصور والفيديوهات "إنستجرام" صورة لأحد الأطفال، وهو يشاهد الحلقة 28 من مسلسل "الاختيار"، معلقًا عليها: "قبل أي حاجة وأول حاجة الحمد لله والشكر لله على مشاعركم الجميلة وحبكم، والله ده كرم كبير أوي من ربنا مش شطارة مني".

وأضاف رامز أمير: "تاني حاجة شكرًا ليكم أنتم على كمية الحب اللي فعلا أكبر مني.. أنا بجد متخيلتش إن حلقة واحدة من مسلسل الاختيار ممكن تعملي النجاح ده كله.. أوعدكم إني هبذل كل اللى أقدر عليه علشان أبقى قد المسؤولية الكبيرة دي".

وتابع: "عاوز أقول حاجة للناس اللي بتشتمني وتقريبًا بتشتم أي حد ناجح، و الله ما زعلان منكم، أنا متفهم عشان إنتوا مش بتشوفوا غير الهيصة والنجاح اللي ممكن فعلا يبان تافه ومستفز، بس صدقوني النجاح اللي بييجي في ثانية ده بيبقى وراه تعب سنين وبهدلة الناس مبتشفهاش".

 
 
 
 
 
 
 
 
 

قبل اى حاجة و اول حاجة الحمد لله و الشكر لله على مشاعركم الجميلة و حبكم، و الله ده كرم كبير اوى من ربنا مش شطارة منى، تانى حاجة شكرا ليكم انتم على كمية الحب اللى فعلا اكبر منى، انا بجد متخيلتش ان حلقة واحدة من مسلسل الاختيار ممكن تعملى النجاح ده كله، اوعدكم انى هبذل كل اللى اقدر عليه عشان ابقى قد المسؤولية الكبيرة دى، و عاوز اقول حاجة للناس اللى بتشتمنى و تقريبا بتشتم اى حد ناجح، و الله مزعلان منكم، انا متفهم عشان انتوا مش بتشوفوا غير الهيصة و النجاح اللى ممكن فعلا يبان تافه و مستفز، بس صدقونى النجاح اللى بييجى فى ثانية ده بيبقى وراه تعب سنين و بهدله الناس مبتشفهاش، ان شاء الله الفترة الجاية هركز اكتر انى اشاركم جزء من التعب اللى انا اقصده عشان زى م اللى بيحبونى ليهم حق عليا، اللى بيشتمونى برضه ليهم حق، اسف انى طولت عليكم و شكرا 💙•

A post shared by Ramez Amir (@ramezamir_official) on

وأنهى رامز أمير حديثه قائلًا: "إن شاء الله الفترة اللي جاية هركز أكتر إني أشاركم جزء من التعب اللي أنا أقصده عشان زي ما اللى بيحبوني ليهم حق عليا، اللي بيشتموني برضه ليهم حق، آسف إني طولت عليكم، وشكرا ليكم كلكم".

من هو البطل محمد السباعي الذي جسد شخصيته رامز أمير؟

البطل المصاب النقيب محمد طلعت السباعي، من مواليد محافظة الشرقية، تخرج في يوليو ٢٠١٤ من الكلية الحربية؛ ليستلم عمله في العريش بشمال سيناء في الكتيبة ١٠٣ صاعقة، تتلمذ علي يد القائد رامي حسنين، وتعلم منه فنون ومهارات القتال، ومن بعده المقدم أحمد منسي، الذي خلف رامي في قيادة الكتيبة.

أُصيب محمد طلعت السباعي في كمين البرث مع منسي، ففي وقت المعركة كان السباعي في مرور على أفراد الكمين للتأكد من جاهزيتهم، ولما التقطت إشارات التكفريين وأنهم على وشك الاقتراب من الكمين هرول السباعي ونبه الأبطال، وتأكد أن الكل في وضع الاستعداد ومع بداية المعركة بدأ في مواجهة التكفيريين الذين بلغ عددهم أكثر من 150 تكفيريا، وكانوا يريدون منسي وجنوده بالاسم.