سخر أحمد حسام ميدو، المدير الفني السابق للزمالك، من أحمد السيد مدافع الأهلي السابق، بسبب تصريحاته في برنامج "ج

الاهلي,الزمالك,احمد حسام ميدو,احمد السيد,جمهور التالته,ميدو يهاجم احمد السيد,ميدو يسخر من احمد السيد

السبت 5 ديسمبر 2020 - 13:33
رئيس مجلس الإدارة
أحمد التلاوي
رئيس التحرير
إبراهيم موسى

ميدو يهاجم أحمد السيد بعد تصريحاته الأخيرة بشأن مفاوضات الزمالك

أحمد حسام ميدو
أحمد حسام ميدو

سخر أحمد حسام ميدو، المدير الفني السابق للزمالك، من أحمد السيد مدافع الأهلي السابق، بسبب تصريحاته في برنامج "جمهور التالته" والمذاع عبر قناة "أون تايم سبورت".

وكشف أحمد السيد، مدافع النادي الأهلي السابق خلال البرنامج، أن نادي الزمالك فاوضه مرتين خلال وجوده في النادي الأهلي للانتقال للقلعة البيضاء.

وكتب أحمد حسام ميدو، عبر حسابه الرسمي على موقع التغريدات القصيرة "تويتر،" كمية لاعيبة كورة سابقين طلعوا كذبوا شوية كذب الفترة اللي فاتت في التليفزيون كأن الناس جالها الزهايمر أو يوتيوب وجوجل اتحذفو".

أرجو من السادة المقدمين لما يلاقوا حد بجح اوي وبيكذب عيني عينك انهم يحرجوه بكلامه القديم والفيديوهات!! مش عيب على فكرة العيب انك تبقى عارف انه كذاب والمشاهد عارف انه كذاب وتعدي الموضوع علشان الراجل جدع وجالك ضيف!! او فريق الإعداد مش عايز يحرجه!!

— Mido (@midoahm) April 22, 2020


وأكمل، "أرجو من السادة المقدمين لما يلاقوا حد بجح أوي وبيكذب عيني عينك إنهم يحرجوه بكلامه القديم والفيديوهات! مش عيب على فكرة العيب إنك تبقى عارف إنه كذاب والمشاهد عارف إنه كذاب وتعدي الموضوع عشان الراجل جدع وجالك ضيف، أو فريق الإعداد مش عايز يحرجه".

ثم سخر من تصريحات أحمد السيد، حيث علق "اللاعيبه قالت اي كلام وأنا بصحى اشوف وعادي مابفتحش بوقي لكن بصراحة انفجرت دلوقتي لما قريت إن أحمد السيد قال إن الزمالك فاوضه مرتين وهو رفض".

وأضاف ميدو، "اللاعيبه مابتفرقش ما بين ان وكيل عرض عليك وما بين ان النادي عرض عليك رسميا.. شغلة الوكيل انه يحاول ويحاول يمكن الموضوع يمشي ويبتدي يشبطك معاه لحد مايوديك المكان اللي هو عاوزه لو قدر".
ثم عاد ميدو، ليوضح رأيه في أحمد السيد، حيث كتب "على فكره انا بهزر في موضوع احمد السيد..احمد كان لاعيب كويس جدا ومجتهد ومخلص ودمه خفيف جدا من الذ اللاعيبه اللي لعبت معاها في حياتي".