http://elyomnew.com/ReadersNews/Details/234?n=قواعد_الحظر_الاثني_عشر

اليوم الجديد

الخميس 9 يوليو 2020 - 01:30
رئيس مجلس الإدارة
أحمد التلاوي
رئيس التحرير
إبراهيم موسى
قواعد الحظر الاثني عشر

قواعد الحظر الاثني عشر


 نتفق من الأول أن أي إحساس بالإجبار في أي شيء حتى لو حلو، بيكون مصدر ضغط وتوتر والضغوط عامة أول وأهم عامل بيضعف المناعة النفسية المسئولة بشكل مباشر عن مناعتك الجسمانية ومقاومتك لكل أنواع الأمراض.

١# دي فترة حظر يعني حضرتك مرغم ومجبر أنك تقعد فالبيت، فكرة أنك لازم تكون منتج بكل طاقتك في كل شيء سعيا وراء الكمال وأنه كل يوم لازم تخلص ميت كتاب و٣ ماجيستير و٢ دكتوراه عشان أنت قاعد فاضي.. ده خبل رسمي وتضايق طبعا أنك مش مستفيد من وقت الفراغ ده كله فاتضغط على روحك أكتر وتقضي الحظر فالحسرة على الوقت اللي بيعدي عالفاضي وأكيد هايوديك بقي للحسرات الحقيقية اللي في حياتك أساسا وإحساسك بالعجز وعدم الإنجاز وده الهلاك بعينه.. ماتروحش هناك!

٢# الإحساس بنعمة الاختيار هو أساس التوازن النفسي وإلا ماكنتش أشد عقوبة للإنسان وهو حي تكون السجن وسحب منه نعمة الحريات في المطلق.. وإلا كان كل مسجونين العالم بقوا عباقرة الزمان.. حاول في كل تفصيلة صغيرة تلاقي لروحك اختيارات ولو في أبسط الأشياء.

٣# مفاتيح الضغوط المؤثرة فالعقل البشري هي عدم المعرفة الكاملة وقلة موارد الفرد من الإمكانيات والمهارات والماديات والأدوات والوقت وبرضه المشاعر المطلوبة منه في ظروف معينة ويكون المتاح المتاح عنده غير كافي زي دلوقتي كده! .. يعني أهم حاجة مطلوبة من حضرتك دلوقتي هي إدراكك لوضع صحتك النفسية حاليا بشكل سليم ولا بمبالغة ولا باستهانة.. وإن وجودك في فترة حظر ذاتها هي سبب ضغط فا من الذكاء أن توازنك النفسي يكون أولوية مطلقة قبل فلوسك واستثماراتك وإنجازاتك فالدنيا عشان يبقي الكلام منطقي.

 

٤# هل ده معناه ان فترة الحظر دي تبقي مصيبة وكوارث علي كل اللي في البيت و ماتنجزش فيها أي حاجة نهائي.. أكيد لأ بس لو تعاملت مع عقلك صح وبلغته السليمة ومن غير عِند عشان مايهدش المعبد على دماغك وعقلك قادر أوي على كده على فكرة.. الحل أنك ماتجبرش روحك على حاجة خالص وأعمل اللي فعلا أنت قادر عليه من باب وعيك بأولويته مش عشان مالكش اختيار فيه، وبصدق وأمانة مش تكاسل وتواكل عشان الظروف – ضميرك ده بتاعك انت مش هاعرف أوجهك فيه.. طاقتك هي أغلي ما تملك وحاليا بحكم الظروف قلت شوية فاخليك ذكي أوي في استخدامها الاستخدام الأمثل واللي ها تعمله أي كان حتى لو مش بشكل كامل هايكون كويس لأنك فعلا عندك عذر حقيقي غير مفتعل وبرضه اللي ها تعمله يكون حسب أولوياتك الجديدة لأن لو الأولويات لسه ماتغيرتش يبقي رجعنا للهذيان تاني، والنبي ما تروح هناك  Jمش ده الوقت اللي تملي فيه كوبايتك على آخرها لأنها أساسا مليانة .. هاتبهدل الدنيا

 

٥# أنت عارف كويس أوي مفاتيح انبساطك من نكدك .. أستعملهم صح، أتبسط بآتفه الأشياء اللي جوة دايرة تحكمك وأوعي تخجل ولا تتريق عليها ولا على غيرك.. التفاهة والبساطة مهمين أوي فالوقت ده – مش وقت عمق خالص دلوقتي

 

٦# عادي جدا إنك تتعب وماتقدرش تعمل كل اللي انت عايزه ده الوقت المناسب اللي تكون فيه رحيم مع نفسك ومع غيرك وتبطل جلد الذات ده وبداله تتبسط بروحك في حدود المتاح وتفخر بيها ..

(it’s ok to color outside the lines sometimes)

 

٧# أهم حاجة ركز عليها وأعرف عنها كتير هي قوة إدراكك الذاتي Power of self-awareness

وهي معرفتك بكل ما يدور بداخلك من شعور ورغبات وأحاسيس وأفكار يعني من الآخر كدة نشرتك الجوية، عشان قبل ما الدنيا تضلم أوي تلحق تظبتها ونصيحة ماتستناش لآخر وقت عشان تشوف انت أساسا كويس ولا لا

 

٨# كلنا عندنا مسئوليات والتزامات و مشاكل .. بس تقدير الظروف واحترامنا لبعض ولقدراتنا اللي مش بتحتمل فكرة الأجبار هاتخليك تشوف كل الأمور بشكل تاني وتفكر في اختيارات وبدايل واقعية وحقيقية بتساعدك على أتزانك النفسي وتفادي الهوس والذعر obsession and panic

 

٩# طبيعي جدا ان طبيعتك وعاداتك وسلوكياتك كشخص تتلخبط في ظل أي توتر خصوصا في ظل تواجدك جوة البيت محبوس مع اللي معاك كل يوم وتكرار النمط مؤذي نفسيا أكيد .. زي كل الأنماط السلوكية في النوم، الأكل، الجنس، التعاملات الاجتماعية ... إلخ الفكرة هي عدم الوصول للتطرف في الزيادة أو النقصان

 extreme emotional frustration behaviors like

 emotional eating, extreme mood swings, sexual frustration, sleep disorders of over sleeping or insomnia ... الي هايساعدك في ده هو قوة الإدراك الذاتي اللي قولناه في رقم٧ و لو حسيت أنك مش قادر تعمل ده لوحدك و فعلا تعبت مش عيب تشوف جهة أو شخص موثوق فيهم و تطلب الدعم بدل ما تتعب لوحدك و تتعب اللي معاك عالفاضي

 

١٠# الحياة مراحل عيشها يوم بيوم لان عقلك تلقائيا بيتبرمج بالتكرار فاخدها واحدة واحدة كدة عشان يفيدك في نمط حياتك الجديد وماتقلقش دوام الحال من المحال في الحلو والوحش

 

١١# أبوس إيدك تجنب:

  • الوعظ والتنظير وإصدار الأحكام
  • العلاقات السامة toxic relations
  • العلاقات كثيرة المتطلبات demanding relations
  • العلاقات الاستغلالية وأولها استغلالك لذاتك وتقليل تقديرك وحبك لنفسك abusive relations specially self-abuse, degradation and lack of self-love

 

١٢# خليك زي الضرايب كدة بس بدل مصلحتك أولا .. خليها: "صحتك ومناعتك أولا وأخيرا" ....  حظر سعيد  J