صاحب «مشروع دكان» يروي قصته مع البلدية: «شقايا اترمى في الأرض»

لحظة إزالة البلدية لعربة الشاب
لحظة إزالة البلدية لعربة الشاب

 

روى أحمد ناجي، شاب في مقتبل العمر، صاحب مشروع "دكان"، معاناته في عمله، وبدأ حديثه عبر حسابه الشخصي على موقع التواصل الاجتماعي "فيس بوك"، قائلا: "البلديه خدتني وأخذت العربية".

وأضاف: "أمين شرطة قالي هات بطاقتك، وبلغ البلدية إني واقف عند فنون جميلة، البلدية كسرت العربية ورفعتها على عربية نص نقل، شقايا وتعبي وحرقة قلبي اترموا في الأرض، عشان البيه يكون راضي مش أكتر".

واستكمل: "أنا تعبت من اللي بشوفه كل يوم بتعرض لقرف ومضايقات، وخدوا العربيه وخدوني ولسة طالع من حي غرب القاهرة، أنا نفسي اتكسرت النهاردة وراسي كانت في الأرض، وأنا بركب العربيه وكأني ببيع مخدرات".

 

 

وتسائل "ناجي": "لما بنقعد على القهوة بتقولوا اشتغلوا، ولما بنشتغل بتاخدونا، هتفرحوا لما تشوفوني ببيع مخدرات لما تضيق في وشي لما تصعبوا عليا وعلى غيري الحلال؟ ساعدوني ووصلوا كلامي وصوتي على قد ما تقدروا عشان خاطري".

واختتم حديثه عن الترخيص، وصعوبة استخراجه قائلا: "أنا لفيت مصر كلها على ترخيص، روحت الحي والمحافظة والمرور والقسم التابع، وكلهم قالولي مفيش ترخيص، وسألت على شارع مصر قالولي لشباب الخريجين، طب وأنا لسة بدرس، أروح أشحت يعني لحد ما أتخرج ولا أعمل ايه؟ أنا مش عايز أكون فوق القانون بس قافلين التراخيص وأخذتوا العربية عشان ماعيش ترخيص إزاي، ولا حياة لمن تنادي لحد ما العربية اتاخدت".

 

التعليقات