شاهد| علاء زينهم يعلق على دوره في «ونوس»

11/17/2019 1:53:59 AM
92
توك شو

أكد الفنان علاء زينهم أن مواعيد المسلسلات لا تؤثر على نجاح العمل، لأن العمل الجيد يفرض نفسه، لافتا إلى أن مصر زمان كنت بتتجمع على مسلسل 7.15، ومسلسل أوبرا عايدة "مكنش متشاف فى أول حلقتين وبعد كده فرض نفسه وخد اهتمام".

وأضاف علاء زينهم خلال لقاءه مع الإعلامية قصواء الخلالى، فى برنامج "المساء مع قصواء" عبر قناة "TeN": "لما بيجلى عمل بجتهد، مجرد ما بقرأ بشوف الشخصية قدامى، لو مقدرتش أشوفها قدامى يبقى العمل مش ليا".

وتابع: "مسلسل ونوس هدية جت من عند ربنا الواحد كان محتاجها، وعبد الرحيم كمال كلمنى قالى أنا كاتب الدور ده عشانك أنت".

وأكد "زينهم" أن بدايته الحقيقية كانت من خلال مسرحية "نحن نشكر الظروف" مع الفنان الراحل سعيد صالح، وبعدها بدأ مرحلة هامة وهو العمل مع الفنان الكبير فؤاد المهندس فى الفوازير، مضيفا: "كنت بروح أيام التصوير إللى مش شغال فيها، والأستاذ كان بيرتحلى".

وقدم نصيحته للممثلين الشباب قائلا: "مرحلة الهواة دى أهم منطقة لأى حد عاوز يكمل فى مراكز الشباب وقصور الثقافة، زى لعيب الكورة مينفعش يلعب فى المنتخب من غير ما يلف على الأندية، أحنا كده برده، نمثل مسرح وندرب".


 

اليوم الجديد